A lu rintoccu di la menzannotti
Matri mia cchi mali bbotti…
Scrusciu e bummi di tutti li parti.
…pensu add’isuli lontani
sentu musichi e marranzani!

..picciriddi persi a mmari
…amuninni a ballari!
genti persa ccu friddu e fami..
canti,soni e trichillami!

C’è u brindisi,a musica crisci!
..lu mo cori non giuisci…
li mo vrazza…sunu mosci..!
C’è na stidda ammenzu u celu…
…a mo testa pigghia u volu…

…non sentu cchiù balli e marranzani
…vulissi essiri ccu iddi, ddani!
assemi a iddi ,na ddi posti luntani!!