Gh’era ‘na volta ‘na cavreta
la magneva rameti, foie e l’erba seca;
sui corni la porteva semper ‘na bereta
soto ‘l barbuz ‘na nobile barbeta.
La coreva, la salteva libera e contenta
anca dopo aver gustà ‘na feta de polenta;
ormai i so ani i era quasi trenta
pasai anca en mez a qualche tormenta.
Da magio a giugno la partiva per i monti
sicura de trovar pam per i so denti;
del lac la se godeva i rosi tramonti
enseme ai soliti bechi spasimanti.
Su per cròzi ferme l’era le so zate
semper meio de ‘n vecio par de zavate;
nel portar a spas la so barba da frate
la becoleva ogni tant do scorze de patate.
No’ i la ligheva mai ala caveza
anzi, de sera la troveva semper ‘na careza;
felize la coreva nela fresca breza
en compagnia dele so amiche co’ la dreza.
A setember en paes de nof la ritorneva
e zo dai senteri forte la salteva;
persin el paroco dall’altar el predicheva:
“Elisabeta, Elisabeta, tuta sta zent la te speteva!”