Ël poi e la pulia a Roma veulo ‘ndè,
garibè cin cin galarin comparin galarin,
a Roma lor veulo ‘ndè.

Rivà a meta stada, bialera da sautè,
garibè cin cin galarin comparin galarin,
bialera da sautè.

La pulia ‘n poc pì lesta, da l’autra l’è sautà,
garibè cin cin galarin comparin galarin,
da l’autra a l’è sautà.

Ël poi ‘n poc pì meusi, ‘n drinta l’è sautà,
garibè cin cin galarin comparin galarin,
‘n drinta a l’è sautà.

La pulia l’ha ciamaie “O’t sesto fate mal”,
garibè cin cin galarin comparin galarin,
“O ‘t sesto fate mal?”

“Rompu me na gamba, son fracassame ‘n pè”,
garibè cin cin galarin comparin galarin,
“son fracassame ‘n pè”.

La pulia staita lesta, ël medic va ciamè,
garibè cin cin galarin comparin galarin,
ël medic va ciamè.

Ël medic fa consülta, ” Ël poi a l’è spacià”,
garibè cin cin galarin comparin galarin,
” Ël poi a l’è spacià”.

La pulia staita lesta, ël preivi va ciamè,
garibè cin cin galarin comparin galarin,
ël preivi va ciamè.

Ël poi l’hà runziai preivi, ai preivi la cirià:
“Mai pì s’pudralo assolvi, ch’a l’è scomunicà,
garibè cin cin galarin comparin galarin,
ch’a l’è scomunicà!”