Tumtum, tumtum musseta,
la mama vien da messa
co’ le tetine pine
da dare a le putine.
Le putine no ghin vole,
so papà ghe le fa tòre,
ciam ciama l’Andriana
che la sona la campana.
La campana sona forte,
la buta zo le porte;
le porte ze de fero,
volta la carta ghe xe un capelo;
el capelo tien la piova,
volta la carta ghe xe ‘na rosa;
e sta rosa la sa da bon,
volta la carta ghe xe un limon;
el limon xe massa fato,
volta la carta ghe xe un mato;
e ‘sto mato a la marina,
volta la carta ghè na galina;
la galina fa cocodè,
volta la carta ghe xe un re;
e sto re comanda tuti,
volta la carta ghe xe do puti;
sti do puti zoga la bala,
volta la carta ghè ‘na cavala;
sta cavala trà de culo,
volta la carta ghe xe un mulo;
e sto mulo xe pien de pan,
volta la carta e ghè du can;
sti du can se core drio,
volta la carta che xe finio.

Traduzione: la “musseta” è un somarello.